Concurso para un nome para a Radio Escolar

Estándar

Podedes consultar aquí as bases do Concurso para nomear a nosa Radio Escolar. Tedes de prazo para participar até o 10 de abril. Animádevos a pensar nun nome que vos represente como escola e que sexa en lingua galega!!

 

Advertisements

VISITA A EXPOSICIÓNS DE CASTELAO

Estándar

O alumnado de 3º e 4º da ESO, acompañado por varias profesoras, acudiu a Santiago nunha visita organizada polo Departamento de Lingua Galega para asistir a exposición sobre Alba de gloria, o último discurso pronunciado en vida de Castelao no ano 1948 en Bos Aires.

Pola mañá visitaron ademais a libraría Couceiro, situada na Praza de Cervantes onde puideron asistir á explicación de María que lles falou do obradoiro de encadernación que manteñen na libraría.

Despois de xantar na cantina da facultade de Medicina compostelá acudiron ao Gaiás para a visita guiada á exposición de Castelao maxistral que alberga entre outras xoias o cadro A derradeira lección do mestre que pintou o artista e que se garda no Centro Ourensán de Bos Aires.

Cancións deseñadas pola Paz

Estándar

Para conmemorar o Día da Paz e a Non Violencia nas aulas de Lingua traballaron con cancións con letras para a Paz e nas aulas de Plástica decoraron as cartolinas con deseños para todas esas cancións en diferentes idiomas que agora adornan os corredores da ESO.