Author Archives: edlgasrevoltascabana

VISITA A EXPOSICIÓNS DE CASTELAO

Estándar

O alumnado de 3º e 4º da ESO, acompañado por varias profesoras, acudiu a Santiago nunha visita organizada polo Departamento de Lingua Galega para asistir a exposición sobre Alba de gloria, o último discurso pronunciado en vida de Castelao no ano 1948 en Bos Aires.

Pola mañá visitaron ademais a libraría Couceiro, situada na Praza de Cervantes onde puideron asistir á explicación de María que lles falou do obradoiro de encadernación que manteñen na libraría.

Despois de xantar na cantina da facultade de Medicina compostelá acudiron ao Gaiás para a visita guiada á exposición de Castelao maxistral que alberga entre outras xoias o cadro A derradeira lección do mestre que pintou o artista e que se garda no Centro Ourensán de Bos Aires.

Advertisements

Cancións deseñadas pola Paz

Estándar

Para conmemorar o Día da Paz e a Non Violencia nas aulas de Lingua traballaron con cancións con letras para a Paz e nas aulas de Plástica decoraron as cartolinas con deseños para todas esas cancións en diferentes idiomas que agora adornan os corredores da ESO.

Harmonías de Paz, lista de cancións pola convivencia

Estándar

Para conmemorar o Día da Paz, este 30 de xaneiro, desde o Equipo de Biblioteca seleccionamos estas máis de 200 cancións de todos os estilos e en varias linguas para traballar a temática da paz e da convivencia acorde co Proxecto deste curso escolar, a Música.

Xa que a convivencia é máis ca un día no ano, aquí vos ofrecemos máis de 10 horas de música para reflexionar sobre conflitos bélicos, as relacións interpersoais, entre os pobos do mundo, a resolución de problemas sociais, etc. Hai cancións para todas etapas e desde os departamentos de linguas da ESO en coordinación coa profesora de Plástica, o alumnado está traballando as letras e decorando cada unha delas con deseños e fotos.