Category Archives: Uncategorized

Guía de lecturas de Nadal para Primaria

Estándar

Deixamos neste enlace a guía de lecturas para o Nadal elaborada polo equipo de biblioteca para o alumnado de Primaria. Boas lecturas nas vacacións!!

Advertisements

CALIGRAMAS DE VANGARDA!!

Estándar

O alumnado de 4º da ESO, baixo a coordinación do profesor de Lingua Galega e Literatura, Xavier Cuns, para se introducir na poesía de vangarda experimentaron a creacións de caligramas e o resultado foron estes creativos poemas que se engaden á colección xa iniciada hai dous cursos e que están pendurados nos corredores das súas aulas.

CPI As revoltas contra a violencia de xénero

Estándar
LECTURA do CPI As Revoltas CONTRA A VIOLENCIA DE XÉNERO 
antes do minuto de silencio das 12 da mañá o 18/12/2018
Eran as nove da mañá. Laura preparábase para saír correr como todos os días. Colleu as chaves da súa casa e pechou a porta. Polo camiño atopouse con aquel veciño tan estraño para ela; aínda así, continuou co seu exercicio, que ademais de mellorar a súa saúde, axudáballe a afastarse da rutina.
Pasaron as horas e Laura non apareceu.
“O problema da sociedade é que hai que ensinarlle ás mulleres a non saír soas da casa”. NON.
O problema da sociedade é que hai qu ensinarlles aos homes a non converterse en monstros.
Arranxemos a sociedade ou senón mulleres como Laura acabarán desaparecendo.
(Sarai Pose)
II
Cando saír da casa soa non sexa de valentes; cando teñamos que enviar mensaxes de “cheguei á casa, estou ben” porque non se dá por suposto que esteas nin na casa, nin ben; cando non aceleremos o paso se alguén nos chama, cando non nos violen, cando non nos maten, entón poderemos dicir que avanzamos. Mentres tanto, Laura son eu, Laura es ti, é túa nai, túa irmá, túa moza ou amiga.
Laura somos todas
(María Paz)
III
Non me gustaría rematar os meus estudos e que un home demente me sacase a vida por calquera absurda razón. Tampouco me gustaría gardar un día cruel na miña memoria, onde un señor me insulte, me force e me agrida.
Menos me gustaría perder o resto da miña vida con persoas que de verdade non me aprecien e me respecten”
(Sara Caamaño)
IV
Cada ano, os casos de violencia de xénero, a maioría dos cales causan a morte das súas vítimas, aumentan descontroladamente en todo o mundo.
Non é un fenómeno que suceda nun lugar concreto, senón que é algo mundial, algo que nos afecta a todos e todas e que debemos deter.
(Brais Martínez)
Non á violencia machista.
Nin unha menos.

Mural e haikus contra a violencia de xénero

Estándar

Neste mes de novembro no que nas Revoltas traballamos para concienciar o alumnado contra a violencia de xénero, traballaron moi ben creando haikus acompañados do seu deseño. Ademais nas aulas de Plástica realizaron este fermoso mural dedicado ás irmás  Mirabal asasinadas pola policía secreta en 1960 na República dominicana e que se converteron no símbolo da loita das mulleres contra este tipo de violencia.

Cartas coa Escola Alexandre Herculano do Porto

Estándar

Aproveitando a estadía formativa da profesora de Lingua e Literatura Galega, Ana Martínez, que está a participar nunha formación dentro do programa PIALE (Programa de Integración e Adquisición da Lingua Estranxeira) ofertado pola Consellaría de Educación para o profesorado que imparte linguas estranxeiras, e que se desenvolve durante o mes de novembro en tres escolas da cidade do Porto, o alumnado de 3º e 4º da ESO, nomeadamente o que estuda portugués, está a realizar un intercambio de correspondencia en galego ou en portugués con alumnos portugueses.

Unha das escolas de acollida de parte do profesorado galego nesta estadía é a Escola de Secundária Alexandre Herculano da cidade do Porto. O intercambio de correspondencia estase levando a cabo cun grupo de 9º ano de 27 alumnos na disciplina de Língua e Literatura Portuguesa que imparte o profesor João Matos. E coordinado na nosa escola entre os profesores de Lingua Galega, Ana Martínez e Xabier Cuns, encargados da docencia neses cursos.

Tanto nas nosas aulas como nas portuguesas a experiencia está sendo acollida con entusiasmo polos rapaces que ven neste medio unha forma de coñeceren outras persoas da súa idade, mais que viven en realidades culturais diferentes. E quen sabe se de aquí en diante poden coñecerse nas súas respectivas escolas!!