Category Archives: Uncategorized

BANDA DESEÑADA SOBRE A COMUNA DE PARÍS

Estándar

Este cómic sobre A Comuna de París foi elaborado pola alumna Uxía Santos Seoane coa colaboración na transcrición caligráfica de Laura García Eiroa de 4º da ESO integrada no PDI das Etapas Históricas desenvolvido este curso 2016-2017 nas Revoltase e que tantas alegrías nos deu ao descubrir tantas capacidades do noso alumnado, entre as que figura o debuxo, como podedes observar nesta impresionante banda deseñada.

VIDEO DA GRADUACIÓN 2017

Estándar

Agora que xa estamos coa cabeza en modo vacacións, deixámosvos por aquí o video de despedida que elaborastes o alumnado de 4º da ESO en TIC coa colaboración de Celia e que se expuxo na graduación. Aquí o tedes para presumir de promoción e para relembrar os mellores momentos nas nosas aulas, corredores e patios. Nas Revoltas xa botamos moitísimo de menos os vosos sorrisos e alegría inundando o centro e os nosos corazóns. Xa formades parte de nós, así que volvede visitarnos sempre. Moi bo verán, rapazada!!

DIPLOMAS E AGASALLOS AO VOLUNTARIADO DA BIBLIO

Estándar

Esta semana reunimos o equipo de voluntariado da biblioteca de todas as etapas para lles agradecer a súa inmensa colaboración nas tarefas da biblio, e entregarlles uns agasallos en forma de camisetas, cadernos, libros ou marcapáxinas. E sobre todo os seus diplomas que os acreditan como voluntariado e que teñen validez oficial.

Moitas grazas a tod@s: @s que deixades o centro esperamos que sigades visitando bibliotecas escolares, e @s que quedades, esperamos contar convosco para o ano que vén. Bo verán!!

FESTA DESPEDIDA DE NICO

Estándar

Hoxe toca despedir a un compañeiro e alumno moi especial que leva connosco catro anos. Trátase de Nico Gil Parajó e este é o seu último curso nas Revoltas. Tod@s @s compañeiros e profesorado que o tivemos na aula gardamos del unha lembranza moi especial polo seu cariño, curiosidade e as súas bromas coas que sempre nos vacilaba.

Aquí vos deixamos unha pequena mostra da festiña que lle fixemos hoxe, onde recibiu varios agasallos do centro, mais o máis especial foi a visita das súas antigas mestras, Sonia e Galicia, que levan con elas as agarimosas apertas de Nico.

Moita sorte, Nico. Botarémoste moito de menos!!

EXCURSIÓN A VALARÉS

Estándar

Este xoves, como xa é habitual cada fin de curso, todas as etapas das Revoltas fixemos a camiñada desde o colexio e xornada de convivencia na praia e piñeiral de Valarés. O tempo deunos unha tregua coa calor destes días para poder camiñar e chegar con folgos abondos para desfrutar dos xogos na praia e refrescarnos á beira da auga. Os máis pequerrechos agardaban por nós xogando e merendando acompañados dos seus mestres.

Valarés é o foguete que marca o comezo do verán dos revolteir@s, así que pouco pensamos xa neste día nos exames, deberes e rutinas do curso porque o verán xa está aí para desconectar, desfrutar e recargar as pilas!!