DIPLOMAS E AGASALLOS AO VOLUNTARIADO DA BIBLIO

Estándar

Esta semana reunimos o equipo de voluntariado da biblioteca de todas as etapas para lles agradecer a súa inmensa colaboración nas tarefas da biblio, e entregarlles uns agasallos en forma de camisetas, cadernos, libros ou marcapáxinas. E sobre todo os seus diplomas que os acreditan como voluntariado e que teñen validez oficial.

Moitas grazas a tod@s: @s que deixades o centro esperamos que sigades visitando bibliotecas escolares, e @s que quedades, esperamos contar convosco para o ano que vén. Bo verán!!

Advertisements

FESTA DESPEDIDA DE NICO

Estándar

Hoxe toca despedir a un compañeiro e alumno moi especial que leva connosco catro anos. Trátase de Nico Gil Parajó e este é o seu último curso nas Revoltas. Tod@s @s compañeiros e profesorado que o tivemos na aula gardamos del unha lembranza moi especial polo seu cariño, curiosidade e as súas bromas coas que sempre nos vacilaba.

Aquí vos deixamos unha pequena mostra da festiña que lle fixemos hoxe, onde recibiu varios agasallos do centro, mais o máis especial foi a visita das súas antigas mestras, Sonia e Galicia, que levan con elas as agarimosas apertas de Nico.

Moita sorte, Nico. Botarémoste moito de menos!!

EXCURSIÓN A VALARÉS

Estándar

Este xoves, como xa é habitual cada fin de curso, todas as etapas das Revoltas fixemos a camiñada desde o colexio e xornada de convivencia na praia e piñeiral de Valarés. O tempo deunos unha tregua coa calor destes días para poder camiñar e chegar con folgos abondos para desfrutar dos xogos na praia e refrescarnos á beira da auga. Os máis pequerrechos agardaban por nós xogando e merendando acompañados dos seus mestres.

Valarés é o foguete que marca o comezo do verán dos revolteir@s, así que pouco pensamos xa neste día nos exames, deberes e rutinas do curso porque o verán xa está aí para desconectar, desfrutar e recargar as pilas!!

DIPLOMAS DO CLUB DE LECTURA

Estándar

Para a entrega dos clubs de lectura deste curso aproveitamos a posta en escena dunha pequena obra intrepretada por alumnado de 1º da ESO nas aulas de teatro da Escola de Teatro Municipal. Os protagonistas foron Cristina, Nahim, Elena e Andrea.

Ao rematar a obra entregamos os diplomas e un agasallo moi especial: unha taza co deseño de Uxía e Nahir que loce nas paredes do patio.

Ademais sorteamos os autógrafos que nos deixou o futbolista Donato na Semana Cultural que foron para 9 casas cabanesas.

CONCURSO DE MATEMÁTICAS

Estándar

Alba, Nahir e Paula González, orientadas por Mila chegaron á final do VII Concurso Incubadora de Sondaxes e Experimentos convocado pola Asociación de Estatística,  cuxa final se desenvolveu este luns, 19 de xuño, na Facultade de Matemáticas e onde obtiveron o premio na categoría de 3º e 4º da ESO co seu proxecto de estatística titulado “Amiguiñ@s si, pero a vaquiña polo que vale”.

As rapazas traballaron todo o curso e expuxeron moi ben o proxecto e os resultados diante do xurado e dun auditorio onde se atopaban o resto dos grupos participantes e mais as súas compañeiras de 4º da ESO A, acompañadas por Carmiña e Ana. A seguinte fase será en Oviedo o 28, 29 30 de xuño, onde acudirán acompañadas de Mila e Ana.

Ademais neste concurso obtiveron unha mención especial o grupo de 2º da ESO formado por Brais, María Paz, Sarai e Lucía Suárez titulado “Tod@s somos diferentes e iso fainos interesantes”.

Noraboa ao alumnado premiado e a Mila!!