Chegou o gran día ao CPI As Revoltas. Despois de semanas de traballo no noso cole celebramos unha gran romaría onde desfrutamos de obradoiros de cestería, de olería, de baile tradicional, de instrumentos tradicionais, xogos tradicionais, churros, e música, moita música e moito baile.
A canción Son de Cabana xa soa no timbre do centro, todos e todas cantamos a nosa canción con moita alegría. Esta peza é unha adaptación de “O salón das cereixas” do gran Xabier Díaz cunha letra adaptada para a nosa romaría na que celebramos o Día das Letras Galegas e tamén o 50 Aniversario do noso colexio, e está interpretada por alumnado e profesorado do noso centro.
A continuación deixámosvos o videoclip creado coas imaxes deste día tan especial para todas e todos os que formamos parte do CPI As Revoltas.
biblioedlgasrevoltascabana 