Mañán 22 de febreiro, o CPI As Revoltas imos sumarnos á homenaxe á gran escritora galega Rosalía de Castro cun recitado colectivo dun poema da obra Cantares Gallegos, co gallo do 150 aniversario da súa publicación.
Serán os alumnos e as alumnas de 5º e 6º de Primaria os que fagan a súa particular interpretación do poema nº 7 “Fun un domingo…” que será recollida nun video.
O 24 de febreiro está recoñecido oficialmente pola Consellería de Cultura e Educación como o Día de Rosalía de Castro no seu Calendario do Libro e a Lectura.
A AELG propón aos Centros de Ensino a inclusión nese día (por caer en domingo, celebrarémolo venres) de actividades escolares na súa programación, como lecturas e gravacións audiovisuais por parte do alumnado de poemas de Cantares Gallegos, que divulgarán desde o seu espazo web para darlles visibilidade social. Nós faremos o mesmo coa nosa gravación desde a web do noso centro, tamén.
Somos 105 centros de ensino os que participaremos nesta iniciativa da AELG.
Pingback: Actos do Día de Rosalía para o venres 22 | ::Axenda cultural AELG::